blogyann

War-du sklêrijennoù porzh-mor Sète

E 2004 en doa roet An Telegram meulodioù dezhi o vezañ ma oa bet choazet gant Quick da gempenn 250 pred-ti eus ar chadenn. Designerez war an "ambiañs" eo Catherine Névin. Dezhi da greiañ diabarzh ha diavaez tier Quick evit ma vo brav d'ar pratikoù.
Broiet e oa honnezh e Naoned. Abalamour da se eo e oa embannet ar c'helou gant an Telegram.
War he lec'hienn e c'hellit teuler ur sell war ar pezh he deus designet evit Quick.
Arzourez eo ivez, livourez ha skizellourez. Roll he diskouezadegoù zo lakaet amañ.
Hag hi divroet adarre. "Laosket an Naoned ha lakaet he stal dirak Porzh Sète e sklêrijennoù kaer", emezi. Daoust hag eo dipitet gant Breizh ? War a lavar e pennad-kaoz an Telegram n'he deus ket kavet pratikoù e kornog Frañs . Ha n'eo ket a-wall klask. Daoust hag he deus graet berzh eno gant hec'h arz ivez.

Liorzhoù Breizh

Ul lec'hienn nevez he deus Kevredigezh Liorzhouriezh Bro an Alre (SHPA), bet savet gant designerien web a vicher. Ouzhpenn bezañ kaer al lec'hienn ez eo interessant an danvez. E galleg eo lakaet evel-just. Memestra e roan anezhi deoc'h da c'houzout abalamour da roll liorzhoù Breizh zo e-barzh. Startijenn zo gant merc'hed ha paotred az c'hKLBA. Hag int o vont da weladenniñ liorzhoù e pep lec'h e Breizh hag ivez e kornog Bro C'hall : Jardins à visiter

(Tennet 'm eus ar skeudenn-mañ e liorzh Crea'Paysages Lann Nennog, Plañvour. Eno e vez kavet a bep seurt geot, bambou ha gwez eukaliptus,  a c'hell bezañ gwelet en ul liorzh-diskouez kaer)

An Itali en Oriant

Meur a Italian zo deuet d'An Oriant etre an daou vrezel. E-leizh anezho a oa sevel tier o labour. Ha me 'm eus dalc'het soñj bezañ gwelet kirri-samm o embregerezhioù alies a-walc'h.
Doare tier eus an Itali a oa degaset ganto, dreist-holl pa veze o sevel evito o-unan.

Setu ti-kêr An Oriant hag Italia-Morbihan oc'h aozañ ur weladeg. Disadorn (d.l.e. 'benn warc'hoazh !) d'an 7 a viz mezheven e vo. Emgav da 15 eur, e Keryado e-tal an iliz Santez Teresa. Ur c'harr-boutin a vo. Hag ur skod ivez : 5 pe 3 euro 'm eus ket soñj ken. War dro 1e30 e pado.

Bon! Dav e vo din tapout ar skeudenn pa vo an heol o parañ  ouzh e dalbenn d'an ti!

Celtia-diffusion

Moarvat ho pez tro da vont da gKaraez da geñver meur a zarvoudoù sevenadur Breizh a vez eno. Ha marteze oc'h bet o kousket pe oc'h evañ ur banne el leti "Noz Vat". Ma n'oc'h ket bet c'hoazh, kit d'ober ur weladenn kentañ gwech. Ouzhpenn m'eo dalc'het gant tud dereat-meurbed e plijo kinkladur an ti d'ar penn-breton zo ac'hanoc'h, ken e ray.

Gant an ajañs design Celtia eo bet ijinet ha kempennet. War lec'hienn honnezh eo skrivet : "Celtia : un design Breizh. Gant Celtia eo ganet ul linenn ginklerezh hag a gemer hec'h awen digant sevenadur Breizh bet displeget en un doare modern. Lakaat a ra spered-krouiñ an arzourien, an artizaned hag an embregerezhioù Breizh da dalvezout."

Ha gant-se spered ar Seizh Breur an hini zo gant Danièle Floc'hlay, hag hi bet savet an ajañs ganti.

Lennit muioc'h (e galleg) war Blog Breizh ha Copernic

Claustra Celtia krouet evit la résidence hôtelière Les Côtes d'Armor e Plestin les grèves, Aodoù-an-Arvor

Yezh ur ouenn

Da betra a dalv ur yezh vihan ? Lennet 'm eus an arroudenn-mañ en ur romant e Daneg. Un tammig dic'hortoz e oa din ar pezh a lavar ar skrivagner. Marteze e talve ar Brezhoneg d'un dra heñvel gwechall.

An Daniz ez eus anezho ur ouenn vihan er penn pellañ eus ar bed anavezet. Arouez boutin o gouenn eo o yezh. Dre o yezh eo en em anavezont an Daniz. An estranjourien a gomz gant pouezioù-mouezh. Ar gwir Daniz gant rannyezhoù. En em anavezout a reont dre arlivioù tregasus fals-mousfent o yezh-vamm. En em weleadiñ an eil egile a reont dre arlivioù didroapl ar yezh. Hag int douget gant ur meizerezh hag ur mousfent boutin roet da glevet.
(Leif Davidsen
Lime's billede)

Lakaat a ran an destenn danek ivez pellikoc'h bete gouzout e teufe unan bennak hag a oar ar yezhig-se :-)

Ne vevont ket kenkoulz hag o zud

Ar pep brasañ eus an dud a rumm ganin o deus bevet gwelloc'h eget o zud. Heñvel dra gant ar re-mañ. Gwelloc'h o deus bevet eget hon tud-kozh. War a seblant ne vez ket heñvel evit hor bugale, siwazh.
Emaon o paouez lenn ur pennad e saozneg maz' eo kontet bec'h tud yaouank zo, en o 20-30 vloaz, en Europa...

Design

N'ouzon ket pegoulz e oan degouezhet gant an dra gevrinus a vez graet "design" anezhi. Ha me dedennet gantañ ken ez on daoust din bezañ diouiziek a-walc'h.
Moarvat pa'm boa anavezet ma gwreg ha Bro Danmark war an dro. Rak pellvrudet eo an design eus ar vro-se. D'ar c'houlz-se, er bloavezhioù tri-ugent, e oa Arne Jacobsen (*) o ren. Anavezout a rit gador hennezh moarvat :

Stanket porzh An Drinded

Setu ma oa stanket An Drinded-Karnak gant ar besketaerien e-kerzh Spi Ouest-France. Bet on dec'h o reiñ un taol-lagad. E Sant-Feliber e oan pa oa c'hoarvezet. Ha me mont da welet ...

Tud ar regatoù, harzet d'ober o redadeg, a oa an ostalerioù leun-tenn anezho. Ur radio, France-Bleu marteze, a oa klevet o skignañ war-eeun war ar c'hae. N'em eus ket gwelet ar fun a oa lakaet a-dreuz ar stêr.

Bodet e oa ar bagoù-pesketa ouzh penn ur chaoser.

Nijadeg an elerc'h

Bet e oan o teuler ur sell d'al loc'h e-kichen al lec'h m'emaon o chom pa vezomp e Bro Danmark. Ringkøbing Fjord e vez graet anezhañ (an "ø" a vez distaget "eu"). Ur seurt karrhent 'm eus kavet, a c'heller mont gantañ dre varc'hhouarn. Da sul d'an abardaez, ne oa den warnañ.

Mere i løn - Flere hænder

E Bro Danmark, bro ar "flexicurity" ez eus bet harz labour kalet gant re dindan ar  stad ...

Ur wech e oa ...

Un abadenn e Brezhoneg zo savet gant ma mignon Joseph war Radio Bro Pariz. Hag eñ o c'houlenn diganin kemer perzh ha kinnig levrioù. O teskiñ ar yezh c'hoazh emaomp  hon-daou ! Bon ! Ret e vez neuñviñ pe veuziñ, evel ma vez lavaret !

Deut tres an talbennoù war wel

An ti-se, ne deu ket da soñj din bezañ kavet kaer anezhañ pa oan yaouank.

 

 

 

 

"Me a vezo pont"

Un deiz em boa lennet ur pennad diwar-benn ur C'Hembread aet kozh hag eñ brudet-mat e-touez e genvroiz rak bleinet mat e oa ar re-mañ gantañ en aferioù o bro. Intereset e oan gant un dra a lavare hervez ar pennad : " He who wants to lead must be a bridge - An hini a fell dezhañ ren a rank bezañ ur pont ".

Ar Mabinogion

Ur gaer a saga geltiek ...

Lady Chatterley

Gant an anoued edon c'hoazh. Dastumet riv ganin e-kreiz ar vakañsoù-goañv. Un taol tomm ha yen emichañs pa edon oc'h ober ski-foñs. Setu-me bezañ tremenet an devezh er gêr.