donezonet-kaer evit ar speredelezh ?

Klevet e oa bet ganin an aotrou rabin Josy Eisenberg, anezhañ e karg eus an abadennoù TV yudev, o lavaret : "Gouzout a ouzon bremañ perak e oa bet dilennet Pobl Israel. Kavout a rae da Zoue en doa ar bed ezhomm ag ur bobl hag a vefe barrek war ar speredelezh anezhi". Trubuilhet an tamm anezhañ e oa an ao. rabin marteze o soñjal e politik Israel.

"Prederiañ a ra ar bobl emañ ar vuzulmaned o stourm outi" en doa lavaret an aotrou Mahatir, bet ministr kentañ pe kentoc'h “diktator sklerijennet" e Bro vMalaysia.

Mikeal dTreger ivez, en e levr "aborigène occidental" a ro ali d'ar Vreizhiz da brederiañ evel a ra ar Yudevion.

Setu-me, ur wech an amzer, oc'h arvestiñ "Gant ar Bibl digor", anezhi abadenn gant an ao. Eisenberg, interesus-kenañ an daeloù enni a gav din. Emañ meur a ziyudev ali ganin, peogwir ez eus anezho ouzhpenn an hanter eus an arvesterien a hervez.

Ha mod-se, tapet un dornad mennozhioù ganin a nevez zo, hemañ en o zouez :
Mar fell din cheñch evit mad unan bennak e teuio ganin a-benn ar fin.
Mar fell din cheñch evit ma mad ma-unan, em bo ezhomm a vezañ roet an dorn din.