berz-vutuniñ : interview eus ar re ankounac'haet

Tra ma tosta deiz ar verz-vutuniñ en tavarnioù ez eus mui-ouzh-mui a c'helaoua diwar he fenn en TV. Klevet  e vez ostizioù ha butunourien o vezañ goulennataet hag ar re-se a zo droug enno evel-just. Klevet 'm boa ivez ur medicin bennak o tiskouez pegen dañjerus e vez alaniñ en ostalerioù d'ar c'houlz-mañ. N'em eus klevet den o c'houlennata Yann divutuner. Ha-me unan anezho. Setu 'm eus savet ur goulenn bennak d'am roched : ...

G :  Ha petra eo ho soñj a-zivout ar verz-vutuniñ en tavarnioù ?
R :  Laouen on rak tamm ha tamm em boa dilezet salioù mogedet an ostalerioù. Evañ a ran ma banne ouzh an daol-evañ ha kuit buan.

G : Aon o deus an ostizien e vefe kollet pratikoù ganto gant al lezenn-se.
R : Da gentañ e vo kollet butunerien zo sur-mat. Met darn anezho a zistroio emichañs. Bezañ e vo ivez tud eveldon hag a zeuio adarre. War an hir termen, n'haller ket lavaret c'hoazh petra a c'hoarvezo : pe e vo kollet muioc'h a pratikoù eget ne vo gounezet pe ar c'hontrol.
A-hent-all an dud a c'hallo mont da ostiz pe da vevel-ostaleri hep lakaat o buhez en arvar... ma ne drinkont ket re alies gant o fratikoù evel-just !

Comments

[Rédigé par:Ruzik]

Nedeleg Laouen.