Google o postiñ arc'hant en enerjioù a c'heller adneveziñ

Google a zo stank e velloù kreizennoù-servijerien (*), dreist-holl er Stadoù-Unanet. Ar re-se a vevez kalz a dredan.

Hag er SU e vez an hanter eus an tredan produet gant kreizennoù-glaou. Setu ur bern CO2 laosket en aer. N'eo ket dereat  d'un embregerezh a falvez dezhañ diskouez an hent war-du bed an teknologiezhoù nevez.

Setu Google o postiñ arc'hant da broduiñ tredan en un doare padus. Un tamm iskiz eo ar c'heloù-se memestra o vezañ ma n'eo ket e vicher d'an embregerezh-se.

Da gentañ e vo graet klask da gavout hentoù nevez ha marc'had-mat d'ober gant danvezioù a c'heller adneveziñ ha na laosk "gaz à effet de serre" ebet.

Bon ! Mard emañ Google o reiñ lañs d'ar "business"-se ez eus digarez da soñjal e vo gounezet arc'hant. Gantañ d'an nebeutañ, rak barrek d'hen ober eo bet e renerien betek-henn !

Liamm : Le Figaro.

(*) centres de serveurs