Ar Mabinogion

Ur gaer a saga geltiek ...

" Embannet gant Gwalarn etre 1925 ha 1939 setu kinniget, evit ar wech kentañ e stumm ul levr, dastumad klok an danevelloù a zo ouzh ober ar Mabinogion, lakaet e brezhoneg gant Fañch Elies Abeozen, hervez Levr Gwenn Rhydderch, skrivet e dibenn an XIIIvet kantved ha Levr Ruz Hergest savet e diwezh ar XIVvet kantved. Bez' e oa troidigezh ar Mabinogion, e spered Elies, ouzhpenn an ezhomm da adkavout gwriziennoù keltiek evit adframmañ hon lennegezh nevez, an tu nemetañ da adperc'hennañ ul lodenn eus hon hêrezh dianket."

Evel-se eo kinniget Ar Mabinogion gant ti embann Mouladurioù Hor Yezh.

Komzet eo ivez eus al levr-se avat en ur pezh-c'hoari gant Jakez Riou, Gorsedd Digor e ditl.

« ... Ar MABINOGION, troet euz an iwerzoneg, a vije bet important ha kaer-meurbed, ma ne vijent ket bet skrivet en eur brezoneg dieaz-kenañ. An troer a zo yaouank c'hoaz, ha n'eus ket gouezet an tu d'en em zilivri ouz skouer fall ar SKETLA SEGOBRANI. Mez deski a raio e vicher.
eur barz
Sketla Segobrani ?...
eur barz all, en eur lucha.
L'éclat de ses gros bras nus !... »

Bon! Pounner-a-walc'h Brezhoneg Abeozen yaouank, kaer-meurbet an istor ! Lenn pe get ? Da bep hini da zivizout evitañ e-unan !

Mar plij ganeoc'h klask ur skrivagner all, e kaviot ur bern levrioù diwar-benn an danvez-se war amazon.fr : 83 e Saozneg, 6 e Galleg, 1 video, 1 CD !
Unan zo e Brezhoneg, Pevar skourr ar Mabinogion gant Preder. Aon 'm eus e vefe an hini gant Abeozen avat.

An droidigezh e Saozneg gant Sioned Davies, am eus lennet  ur vurutelladenn vat en The Independent diwar he fenn. Goulennet en doa ar c'hazetener gant Sioned Davies (*),  diwar-benn brud padus ar Mabinogion. "Tostaus eo" emezi, "hag er pevar skourr (**) e vez kavet psikologiezh wirion".

(*) Anezhi kelennerez war ar C'hembraeg e Skol-Veur Kerdiz

(**) Ar pevar istor kentañ