Ur wech e oa ...

Un abadenn e Brezhoneg zo savet gant ma mignon Joseph war Radio Bro Pariz. Hag eñ o c'houlenn diganin kemer perzh ha kinnig levrioù. O teskiñ ar yezh c'hoazh emaomp  hon-daou ! Bon ! Ret e vez neuñviñ pe veuziñ, evel ma vez lavaret !

Peseurt levr dibab da gentañ ?
Unan bihan, ul levrig gozik, 'm eus tapet : "Ur wech e oa" gant Albert Deshayes, embannet gant Skol-Vreizh.

Lakaet eo da vezañ lennet gant krennarded moarvat. Met plijus ha kelennus 'm eus kavet anezhañ. Ha dreist-holl eo skrivet e Brezhoneg yac'h hag aes e lenn. Pezh a zo pouezus-kenañ evidon hag a vo evit deskarded all war ar yezh, a dra sur, n'eus forzh pe oad int.
N'eus ket  lavaret kalz a dra diwar-benn piv eo Albert Deshayes. Ur bigouter emichañs, mestr-skol pe gelenner e Kemper, war a lennan en displegadennoù a zo roet d'an destenn.

Tri fezhig c'hoari zo, startijenn ganto. C'hoariet e oant gant skolidi e Kemper er bloavezhioù 90. Tro a oa roet dezho da lakaat o ijin o-unan e-barzh.

Setu pezh a lavar an daneveller e "Baron ar pont hag e virliton Yann" :  "Reizhet eo bet diouzh ur gontadenn, "Histoire du roi Kaboul 1er et du marmiton François Gauwain", bet savet gant Max Jacob, ha lakaet dindan ar stumm-mañ gant skolidi ar CM1, Skol staget ouzh Skol Normal Kozh Kemper ha gant o mestr."
Reuz zo savet etre ar Vigouterion hag ar C'hlaziged. Mod Krenn-Amzer, d.l.e.  kleze en o dorn. Emañ Yann o c'houlenn Gwennola, merc'h da Varon ar Pont. Daoust hag-eñ e teuio an tamm louarn a zo anezhañ a-benn d'e daol ?

"Herve an deskard Meliner" a zo ur "gontadenn, e doare Fanch an Uhel, savet e galleg gant skolidi skol Jean-Monnet (Kemper) - bloavezh-skol 1995-1996 - ha troet e brezhonek gant o mestr-skol Albert Deshayes."

"Diwar ur pezh-c'hoari bet savet e galleg gant ar vugale a 10-11 vloaz eus skol Jean-Monnet Kemper (bloawezh-skol 1991-1992)", e teu ivez "Mojenn Konomor". Hag ar pezh-c'hoari-se savet diwar al levr Gildas de Rhuys, moine celtique, gant Y. Mauffret. Ur mac'htiern eus an VII°ed kantved e oa Konomor anavet e Bro-Gernew dindan an anw a Roue Marc'h."
Tro dimp d'ober anaoudegezh gant unan eus hor mojennoù-diazezañ ! (mythes fondateurs)